N'pensa na bo, nha Guiné
N'pensa na bo, nha Guiné, Katxu kaleron tissin noba di bu flema, Kuma bu n'tema, má i falan tan kuma bu ka kansa rema; N'pensa na bo, nha Guiné, Na nha sunhu n'ta barçau Hora ku n'korda nka tá odjau Bu pirmitidu ba progresso, má i torkiadu pá retrocesso; Di lundju n'sintiu eh na fet fetiu Eh distindiu na txon, eh na massa massau Eh ka na kudau ku mufunessa Bu kubridu ku mantu di ingratessa; Bu tá pupadu kerensa na mandjuandadi Hora ku kosta viradu i kil un cabalindadi Kuma eh nkunha nan na bu ragass, Eh na rinkau gora padass; Ma ala ki katxu kaleron torna bim mass, i sinta na polon i na sopanu larma I falan kuma i karma, Son pá no firianta alma. Neisa Medina